الرياضيات والتفكير
دراسة من جامعة ليفربول جمعت نتايج ٢٤ بحث، ولقت إن اللي بيتعلموا شطرنج بيتحسنوا في الرياضيات وفي طريقة تفكيرهم.
ورش شطرنج وبطولة · القاهرة · نوفمبر وديسمبر ٢٠٢٦
كل رحلة بتبدأ بنقلة
«أول نقلة» برنامج من X Chess Club، وبدعم من مؤسسة دروسوس، لولاد وبنات من ٨ لـ ١٦ سنة عمرهم ما لعبوا شطرنج. ٣ أيام ورش نعرّفهم فيها على اللعبة من الأول، وبعدها يوم بطولة.
- ٨–١٦سنة، ولاد وبنات
- ٣أيام ورش
- ١يوم بطولة
الفكرة
كل لاعب كبير بدأ بنقلة واحدة
كل دور شطرنج في العالم بيبدأ بنفس الطريقة: ١٦ قطعة لكل لاعب، ٦٤ مربع، ونقلة أولى. وأغلب اللاعيبة بيبدأوا بالعسكري اللي قدام الملك: مربعين لقدام. نقلة صغيرة بتفتح الرقعة كلها.
كل عسكري ممكن يبقى وزير
العسكري أصغر قطعة على الرقعة، وهو الوحيد اللي لو وصل لآخرها يبقى وزير. أول نقلة، وصبر، وخطوة ورا خطوة.
إحنا نادي شطرنج في القاهرة، فاتح بابه لولاد وبنات عمرهم ما لعبوا. مش أكاديمية ومش بنوعد بأبطال: نعرّفهم على الشطرنج، ونشجعهم يكمّلوا.
ليه الشطرنج؟
فكّر. اصبر. اتحرك.
لما الأطفال يلعبوا شطرنج بيتعودوا يركّزوا، ويفكروا قبل ما يتحركوا، ويحسبوا خطوتين قدام. نفس الحاجات اللي بيحتاجوها وهما بيذاكروا وبيحلّوا مسائل.
التركيز والصبر
البرلمان الأوروبي طالب سنة ٢٠١٢ إن الشطرنج يدخل المدارس، لأنه بيقوّي التركيز والصبر وأخد القرار.
الثقة في النفس
بيخسر، ويفهم ليه، ويقوم تاني. الخسارة جزء من اللعب.
المهارات الاجتماعية
يستنّى دوره، ويسلّم على اللي قصاده قبل الدور وبعده، ويمشي على القوانين، ويتعرف على ناس جداد من سنّه.
هيتعلموا إيه؟
٦٤ مربع، ٦ قطع.
- العسكريلقدام بس
الطابيةخط مستقيم
الحصانمربعين وواحد جنب
الفيلمايل
الوزيرفي كل اتجاه
الملكخطوة واحدة
الورش والبطولة
أربع أيام، من أول نقلة للبطولة.
اليوم الأول
السبت ١٤ نوفمبر
أول مرة على الرقعة
الرقعة وكل قطعة بتتحرك إزاي، والكش والكش مات، وأول دور كامل
اليوم التاني
الجمعة ٢٧ نوفمبر
إزاي تبدأ الدور صح
يبدأوا الدور بخطة، وحركات زي الشوكة والتثبيت، وقيمة كل قطعة
اليوم التالت
الجمعة ٤ ديسمبر
إزاي تقفل الدور
الكش مات بالوزير وبالطابية، وساعة الشطرنج وقوانين البطولة، ودورين تجريبي
يوم البطولة
الجمعة ١١ ديسمبر
يوم البطولة
كل مشارك يلعب ٥ أدوار، وميدالية وشهادة للكل، وحفلة ختام مع الأهالي
للجمعيات
إزاي البرنامج بيشتغل
- التسجيلالتسجيل كان عن طريق الجمعيات وقفل ٩ نوفمبر، لحد ٥ مشاركين من كل جمعية، ومعاهم منسّق من الجمعية.
- الحضورالمشاركين بييجوا الأربع أيام، لأن كل يوم مبني على اللي قبله.
- موافقة ولي الأمرولي أمر كل مشارك مضى استمارة موافقة عن طريق الجمعية.
عندكم سؤال؟ كلمونا واتساب على ٠١١٣١٣٥٥٣٦٠